مشروع صيادلة محترفون

السلام عليكم جميعاً و رحمة الله و بركاته
_______________________________
الحمد لله و كفى و الصلاة و السلام على خير خلق الله النبي المصطفى
_______________________________




1-مقدمة:

(((صيدلاني)))


كم أعشق تلك الكلمة...و تلكم الشخص..
إنه ذلك المحترف..

الشخص الذي يعرف في كل شيئ..شيئ..
يجمع ما بين العالم و التاجر..
يحمل حكمة هذا .. و مهارات الآخر ..
علم هذا و تحكم الآخر في معلوماته
طيبة هذا .. و صعوبة الآخر ..

شخص في رأيي.. مميز .. لا مثيل له ..

و الله العظيم يا جماعه ..
حالة خاصة ..


ثم كم كنت أتعجب دوماً لما يضيع مكان مهنتنا .. بين كل المهن الأخرى ..
و كان السبب واضحاً بيّناً..
لا شيئ غيري.. يا أصدقائي..

لا شيئ غيري .. أنا .. الصيدلاني .. هو الذي يفقدني مكانتي..


بعدما تحولت المهنة إلى .. لا شيئ يذكر ..
و لا أحتاج إلى توضيح الحالة التي نحن عليها لكنه يكفي أن أقول أن الأمر أصعب حتى مما نتصور أنه يمكن أن يكون..
لذلك ظللت أبحث عن السبب ..
و نقبت هنا و هناك..
حتى و صلت إلى أحد الأسباب و قلت أبدأ به..
هو ما سأوضحه في الفقرة التالية..



2-الفكرة:
الفكرة يا جماعة في ان الصيدلي مش هيقدر يسترد مكانته أمام الجميع إلا في حالة واحده فقط .. لما يكون شخص محترف .. هوا اللي هيعمل كده مش أي حد تاني .. متمكن من مهنته .. عارف الأسس و القواعد .. في حاجتين اساسيتين في مهنته .. الأولى هي التمكن من الجهة العلمية و الثانية هي التمكن من الجهه التجارية .. و للأسف الميزان يا جماعه دايماً رايح في جهة التجارة و البيع و الشراء .. و حتى في دي برضه الصيدلي من اسوأ الناس اللي ممكن تتعامل معاهم .. لأنه معندهوش مهارات البيع و لا الشراء .. و للأسف بيظهر دايماً على انه شخص انتهازي عاوز يكسب و خلاص .. لا بيهتم بمهنته .. و لا بالشكل العام ليها رغم ان ده هوا اكتر حاجه هتفيده لو هوا ذكي .. دي هيا الفكرة عموما .. الإحتراف يا جماعه .. مفتاح التميز .. و مش قصدي علشان الشغل بس لأ ..في كل كل حاجه .. الصيدلي دا يا جماعه شخصيه مميزه للغاية .. لازم يكون ظاهر دايماً زي النجمة في السما .. معروف من شكله .. هيئته .. كلماته الرقيقه .. معلوماته الغزيرة .. رده على اي سؤال يتعلق بمهنته .. هيا دي الفكرة .. و هوا دا المشروع ..




3- الخطوات العملية للمشروع:
يعتمد المشروع أساساً يا جماعة على تطوير مهاراتنا احنا يا صيادلة في عدة جوانب منتقاة .. هيا اللي هنركز عليها .. و كلها بتنقسم في العموم إلى 3 حاجات أهم من بعض موجودين في المعادلة ديه:

صيدلي محترف=
شخص متمكن من معلوماته الصيدلانية
+
شخص متمكن من أدواته الخاصة في التعامل
+
شخص عارف انه "شخص مميز.."


و هيا دي يا جماعة المعادلة اللي هنمشي عليها طول المشروع......

و المشروع علشان حجمة الضخم أنا قسمتة بفكرة بسيطة كده إلى نصفين:


نص هنا على منتدى استاذنا الحبيب عمرو خالد اللي علمنا دايماً ناخد خطوة:

_____________


http://forum.amrkhaled.net/showthrea...23#post2427723
اضغط على الصورة او الرابط
******



و النص التاني هيكون على ياهو جروب اتعملت مخصوص علشان المشروع ده

علشان نقل المعلومات بين المشتركين فيه و الاحتفاظ بالمشاركات في المشروع .. طبعاً التواصل فيما بيننا..و كمان جزء تعليمي..و حاجات تانية كتير
و سميناها pharma_pure
المكان اللي هنعمل فيه:pure pharmacist
المصنع الصغير بتاعنا..



http://health.groups.yahoo.com/group/pharma_pure/
اضغط على الصورة او الرابط




و الأتنين هيتم التنسيق فيما بينهم ...بعدين..




4- خطة التنفيذ:
دي بقى هنتكلم فيها بإذن الله المرة اللي جايه..
كل شيئ مترتب و متجهز بإذن الله..
و كل اللي هنتكلم فية.. و الحاجات اللي هنعملها و .. القصة دي كلها..



لكن..


يا جماعة المشروع ده مش هقدر أعمله لوحدي ..
و لا حتى عدد قليل من الأشخاص ..
لازم يا صيادلة كلنا نشارك..
لازم ناس تيجي و تقول : يللا كلنا مع بعض ننفذ...
لازم يا جماعة ..


يللا يا صيادلة خلونا منضيعش الفرصة من ايدينا...

المشروع لسه فيه كتيييير قوي ...
و في دماغي ميت ألف فكرة و فكرة ..
و في دماغكم انتم كمان أكتر و أكتر...

محتاجينهم كلهم..

يا ريت يا جماعة لو تشاركوا معايا..
يا ريت..


أنا هستنى شويه مش هكمل في الموضوع لحد يتجمع عدد كويس مننا نبدأ بيه خطط مشروعنا الكبير ده..


اللهم العون في ما ننوي به الخير
يارب